Logo_Oekofestival_ok
  • Print Friendly


Keng Oekofoire, mee duerfir: Oekofestival am Pafendall

Zenter 29 Joer ass et eng Traditioun, datt sech – ob Aluedung vum Mouvement Ecologique an dem Oekozenter Pafendall –   den drëtte Weekend am September vill Leit begéinen fir sech auzetauschen, iwwert Politik a Gesellschaft ze diskutéieren, sech erëmzebegéinen.

29 Joer laang war dëst d‘Rentrée op der traditioneller Oeko-Foire um Kierchbierg, dëst Joer awer soll den Oeko-Festival ronderëm den Oekozenter am Pafendall de Kader duerfir sinn.

Duerfir: Behaalt den Termin als feste Rendez-Vous an Ärem Agenda bäi!

Den Oeko-Festival huet keng kommerziell Stänn, mee huet duerfir awer eng grouss kulturell an Informatiounsoffer:

  • An der gudder Traditioun, ass eng offiziell Ouverture vum Festival mat Rieden an engem Patt Freides, den 22.September ëm 16.30. Dëst Joer schwätzen de Nohaltegkeetsminister François Bausch an Blanche Weber, Presidentin Mouvement Ecologique.
  • Diskussiounsronnen ronderëm Themen wéi Grondakommes, Finanzéierung Sozialsystem, solidaresch Landwirtschaft a nei Wunnformen
  • eng ganz Rei Visiten an a ronderëm de Pafendall (zum Thema Schlass Mansfeld, Renovatioun vun der Muebelsmillen Beien, Lift, Geschicht vum Quartier…)
  • Konschtausstellung am Parc Odendall an am Oekozenter vun diverse Kënschtler ënnert dem Motto “La nature,la matière et l‘homme”
  • Concert’e mat bekannte Museksgruppen
  • Cabaret, als Extra deen aus der „Anstalt“ bekannten Kabarettist Rolf Miller Samschdes owes um 20.00
  • Poetry Slam
  • Theater an Animatioun fir Kanner
  • Info-Stänn vun enger Rei befrënnten Organisatiounen (déi och op der Oekofoire waren)
  • Natierlech Iessen a Gedrénks.

Rendez-vous deemno :

  • Freides, den 22. September ab 16.00 Auer – mat offizielle Rieden um 16.30 – bis open end an
  • Samschdes, den 23. September vun 11.00 Auer – open end.

 

 

 

Publication date: 31.07.2017
< Back